Alahai anak omak..

Tajuk cantiknyo bahaso.. Montang2 ler aku oghang nogori.. mintak maaflah yo kek sapo2 yang tak suko ngan oghang nogori ni.. tak semuo eh ikut adat perpatih.. ado yang baik hati eh.. tulus mulus cam aku ni haaa.. cewah puji diri sendiri tu..

Boleh den tulis bahaso nogori tak?? (dah tulih pun)... paham ko tak ni?? kalau tak paham tu.. buek2 lah paham yo.. Kisah eh pasal anak pompuan den yang sorang ni.. intan payung pengarang hati ni haaa...

Sojak lahir si Fateh ni asyik cito pasal dio yo kan.. naik muak pulak oghang membaco eh.. ni nak cito pasal Amiera lak..

Cito eh camni.. semalam laaa.. den nak solat.. tongah nak ambik wuduk lah ni.. dio pun togo den.. ni dialog

Amiera : "mama nak solat eh??" ..

Aku @ Den : "ha ah... " (sonyum sikit... ngan anak2 kono sonyum selalu)

Lopeh den ambik wuduk tu.. dio dah siap pakai telokung.. tongah solat lah tu... biaso eh kono suruh dulu baru dio nak solat.. suko pulak den nengok eh.. den curi2 tangkap gambar eh.. yang goli hati eh.. time dio baco... pssssttt..pssstttt.. pssstttt.. takdo langsung bunyi bacaan eh.. dio nak ikut omak eh tapi main belasah yo.. kek sekolah dio solat baco kuek2.. kek rumah kono baco polan2.. konpius lah kot..

Habih baco doa.. dio perasan den tangkap gambar eh.. membebel dio kek aku pasal ambik gambar dio.. hehehhehe... lawak tul..

Sojuk hati den nengok anak aku ni.. tu lah kan.. apo kato penyanyi tu... alahai anak omak..